Keshilli Rinor Shqiptar

nga **Dardania** Tue May 31, 2011 8:49 pm

Është një grup të rinjsh që përpiqen të ndikojnë në shoqërine shqiptare në veçanti rinine, nëpërmjet veprimtaris së tyre në vend.

1. KRSH e pasqyron përpjekjen e rinisë shqiptare për realizimin e një modeli efektiv bashkëpunimi.
2. KRSH është shfaqje e aspirates (deshirës) për zotërimin e elementëve të një qyteterimi më të përparuar të mbështetur mbi idetë e LIRISË dhe HARMONISË.
3. I përshtatur për shkëmbim informacioni, përvojash, mundësish e mjetesh, KRSH synon integrimin optimal të të rinjve shqiptarë në jetën asociative (shoqeruese) në nivel ndërkombëtar.
4. Veprimtaria e saj shumëpalëshe ofron hapësira të gjera të paraqitjes së interesave të rinisë. Duke shfaqur kulturë të qëndrueshme demokratike, frymë tolerance dhe konstruktiviteti, KRSH synon të jetë mbështëtes i krijimtarise, punës studimore dhe veprimit qytetar rinor.
5. KRSH është një organ i pavarur, pavarësi e cila pasqyron pavarësinë e antarëve nga njëri-tjetri.

Këshilli Rinor Shqiptar (shkurt KRSH) është një organizatë rinore jofitimprurëse, joqeveritare e tipit strukturë ombrellë, qe nuk ndjek qëllime fitimi dhe që përfshin organizata jo-fitimprurëse rinore.
Tipi I organizatës është Këshill Rinor Kombëtar e njohur në terminologjinë ndërkombëtare (në gjuhën angleze) si National Youth Council – NYC.
Veprimtaria e KRSH-së zhvillohet në përputhje me legjislaciononin (ligjin) në fuqi, dhe veprimtaria e saj shtrihet në gjithë Republikën e Shqipërisë.

Synimet e KRSH-së janë
Mirëkuptimi i dyanshem, shkëmbim përvoje dhe gadishmërie për ndihmë në punë të përbashkëta të organizatave rinore.
2. Të bashkëveprojë për zgjidhjen e problemeve të punës së rinisë.

3. Të ndihmojë individin nëpërmjet qëndrimeve sociale demokratike, nëpërmjet formimit social-politik të rinisë, dhe nxjerrjen në pah të interesave të rinisë.

4. Të ndikojë në zhvillimin dhe përmirësimin e proceseve (ecurive) demokratike në vend dhe në përfshirjen e rinisë në vendimmarrje në nivel qëndror dhe lokal (vendor).

5. Të punojë për të drejta të barabarta të djemve dhe vajzave.

6. Të ndikojë mbi zhvillimet e rinisë politike dhe mbi legjislacionin e rinisë.

7. Të përfaqësojë interesat e rinisë dhe problemet e rëndësishme të organizatave të KRSH-së përballë institucioneve politike, parlamentit, qeverisë, organizmave dhe opinionit publik brenda dhe jashtë vendit.

8. Të nxisë dhe të zhvillojë aksione, aktivitete, mbledhje, takime, veprimtari të përbashkëta me organizata dhe institucione në fushën e edukimit dhe formimit të anëtarëve.

9. Të përkrahë dhe të zhvillojë nismat rinore në drejtim të shkencës, kulturës, artit dhe sportit.

10. Të zhvillojë marëdhënie ndërkombëtare me qëllim njohjen, bashkëpunimin, nxitjen dhe zhvillimin e tyre me rininë në botë.

11. Të luftojë prirjet militariste (ushtarake), kombetare ekstreme, diskriminuese (dalluese), raciste, totalitariste, fondamentaliste dhe ksenofobe.

12. Të punojë për bashkëpunim dhe bashkerenditje me organizatat rinore shqiptare të cilat veprojnë jashtë kufijve administrative të Republikës së Shqipërisë

Parlamenti Rinor
Me mbështetjen e UNICEF parlamentet rinore kryejnë veprimtarine e tyre në të 12 prefekturat e vendit. Ata përfaqësojnë zërin e të rinjve në jetën politike shqiptare dhe frymëzojnë të rinjtë të besojnë e të marrin pjesë aktivisht në demokraci. 200 palamentarë të rinj, 14-18 vjeç, të zgjedhur në mënyrë demokratike marrin pjesë në këto asamble (mbledhje,grupe) përfaqësuese.
Ata përgatitin programet e veprimit të rinisë, mësojnë rreth çështjeve qytetare nëpërmjet partneritetit të tyre me të zgjedhurit e rritur, paraqesin plane veprimi tek pushteti vendor dhe drejtojnë programe edukimi për bashkëmoshatarët

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31