Florim Haliti

nga **Dardania** Sat May 16, 2015 10:38 pm

Autobiografi qershor 2007

Unë Florim Haliti i lindur me 22 qershor 1973 në Prishtinë, banor i fshatit Peran afër Podujevës, jetoj tash në Podujevë. Shkollën fillore e kreva në Peran, kurse shkollën e mesme në Podujevë. Unë si fëmijë që nga klasa e parë kam filluar ti bie çiftelisë. Pasi u mësova mirë, fillova të këndoj, mësuesi im i parë ka qenë i ndjeri babai im, përpos mësimit ai edhe më këshilloi të gjitha ato çka ka ditur për këngën shqipe edhe pse ishte në moshë të vjetër. Kur ai filloi të më mësoj, ai veçse e kishte lënë mzuikën për shkak të moshës. ai ishte i njohur në trevën tonë dhe ka kënduar me vëllaun e madh Shabanin. Unë për fat në atë kohë isha i vogël, djali i vogël i Hasanit dhe nuk përjetova babain tim duke kënduar në dasma dhe ahengje tjera.
Unë vazhdova muzikën edhe më tej, në moshën 15 vjeçare këndova nëpër dasma me vëllaun Shabanin. Për fat vëllau nuk është mirë me shëndet (është 60 vjeçar) dhe unë jam ende aktiv në muzikë. Në dy vjetët e fundit fillova të këndoj me Fehmi Kastratin nga fshati Llapashticë dhe jemi në bashkëpunim shumë të mirë.
Por, unë zotëri Mahmuti do të mudohem që ti sjell edhe disa fotografi të babait, si dhe të miat. Tä babait do të jetë më vëshhtirë, ishe i lindur më 1915 dhe këndoi në vitet 45-50.
Unë edhe përpunoj këngët vet si dhe shumë tekste, si p.sh. këngën e Hasan Cubollit, Ramush Haradinajt, Zahir Pajazitit e shumë tjera. Do të mudohem të dërgoj edhe tjera këngë që nuk i ke.
Për fund unë të përshëndes shumë ty dhe gjithë shqiptarët anembanë botës, falemnderit për mirëkuptimin, të dëshiroj jetë të gjatë ty së bashku me familjen tënde dhe kemi dëshirë që ti një ditë të vish te ne dhe nta kalojmë një natë muzikore së bashku. të falënderoj shumë dhe je i mirëseardhur në Llap edhe pse nuk të njoh personalishtë.
Florim Haliti.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31