Ndërrimi i gomës me këmbë (video)

Londër, 23 qershor - Djali 28-vjeçar, i cili ka lindur pa krahë, arrin të bëjë me këmbë edhe punët më të vështira.

Matt Stutzman është prova e gjallë se vendosmëria mund të bëjë të kapërcesh edhe disavantazhin më të madh. Djali 28-vjeçar, i cili ka lindur pa krahë dhe ka profesionin mekanik, arrin të bëjë me këmbë edhe punët më të vështira. Jo vetëm kaq, por për të vepruar i duhet fare pak kohë. Në një video, Stutzeman arrin të ndërrojë gomën e veturës për 9 minuta. E të gjithën e bën pa asnjë ndihmë nga të tjerët, transmetojnë agjencitë.

Matt është i martuar dhe ka dy djem, ndërsa aktualisht dëshira e tij më e madhe është të kualifikohet në lojërat Paraolimpike në Londër më 2012. Ai, që nga mosha 16-vjeçare merret me shigjetari. Në korrik me pjesën tjetër të ekipit do të udhëtojë në Itali në kualifikime.