Norvegjia e shokuar, 92 viktima dhe 20 të tjerë pranë vdekjes

UPDATE- Ka shkuar në 92 viktima, bilanci i sulmeve në Norvegji. Pas shpërthimit në qendër të kryeqytetit dhe pas atentatit në Utoeya, krahas 92 viktimave edhe 20 të tjerë janë në hapat e fundit të jetës si pasojë e plagëve të marra.

Të 20 personat në luftë me jetën janë pre e sulmit të dytë në ishullin e Utoeya ndërkohë që 90 të tjerë janë të plagosur në spitale.

Nga shpërthimi që ndodhi afër selisë së kryeministrit të Norvegjisë Jens Stoltenberg humbën jetën 7 qytetarë.

Shumë më i përgjakshëm ishte sulmi që u zhvillua në ishullin Utoya afër Oslos, ku dje ishin mbledhur mbi 700 të rinj të Partisë Punëtore të Norvegjisë.

Sipas burimeve të policisë, ditën e djeshme u vranë 84 të rinj, të moshës 14-18 vjeç, ndërsa vrasësi ishte 32 vjeçari norvegjez, ekstremisti i djathtë, Anders Behring Breivik. Policia beson se këto dy sulme ishin të lidhura mes tyre.
Kryeministri norvegjez, Jens Stoltenberg ka thënë se në mesin e të vdekurve ka edhe anëtarë të qeverisë. Ai i ka përshkruar sulmet si “tragjedi kombëtare.


15:32 - Sulmet në Norvegji, i njëjti autor?

Numri i të vrarëve me armë dhe bomba në dy sulmet e së premtes në Norvegji ka shkuar ne 91 persona. 84 persona u vranë në një kamp rinor vetëm disa orë pasi shtatë persona të tjerë u vranë në një shpërthim në qendër të qytetit Oslo.

Policia dyshon se i njëjti njeri i ka kryer të dy sulme. Zyrtarët policorë thonë se personi i arrestuar, një 32-vjeçar norvegjez, tani është duke bashkëpunuar për hetimet dhe dëshiron të shpjegojë motivet e tij për vrasjet.

Policia gjithashtu tha sot se lidhjet në internet në kompjuterin e të arrestuar në shtëpinë e tij, tregojnë se ai është një “fondamentalist i krishter” me prirje të djathta.

Dëshmitarët e sulmit në ishull thonë se personi i armatosur ishte maskuar si polic dhe i kishte grumbulluar ata që t’iu fliste. Më pas kishte hapur zjarr mbi ta