Miliona besimtarë nisën sot Agjërimin

Miliona besimtarë myslimanë në mbarë botën kanë nisur agjërimin e muajit të shenjtë të Ramazanit. Edhe besimtarët myslimanë shqiptarë kanë nisur agjërimin e këtij Muaji të Shenjtë. Gjatë këtij muaji, besimtarët privohen nga ushqimi, pija si dhe nga marrëdhëniet intime nga agimi deri në perëndim.

Muaji i shenjtë i Ramazanit, është një muaj i madhërishëm që i afron ata më pranë Zotit përmes sakrificës, si simbol i devotshmërisë ndaj Perëndisë për gjatë 30 ditëve. Muaji i Ramazanit finalizohet në fund më festimin e festës së Fitër Bajramit, ose siç njihet ndryshe si Bajrami i Madh.

Një ditë më parë kreu i Komunitetit Mysliman Shqiptar, Haxhi Selim Muça, ka uruar besimtarët për këtë muaj, duke i uruar atyre paqe dhe begati.

Dita e parë e agjërimit ka nisur në Indonezi, vendi me përqindjen më të lartë të besimtarëve myslimanë në botë, ndërkohë Ramazani kremtohet edhe në SHBA dhe në pjesën më të madhe të Lindjes së Mesme. Edhe myslimanët në Libi kanë festuar nisjen e Ramazanit ndërsa në Iran, agjërimi nis nesër.

Portali Albeu i uron të gjithë besimtarëve myslimanë kudo që ndodhen, Gëzuar Muajin e Madhërueshëm të Ramazanit