Fotoja e Billy Kid u shit për 2.3 milionë Dollarë

E vetmja fotografi e Billy Kidit, rebelit më të madh nga Perëndimi i egër, është shitur për 2.3 milionë dollarë në një auksion të mbajtur të shtunën në Denver, njoftoi agjencia AP. Billy Kid, i lindur më 1859, ka paguar 25 centë për t’u fotografuar para sallonit në New Mexico, nga fundi i vitit 1880 apo fillimi i vitit 1881.

Çmimi fillestar për ktë foto me dimensione 5x8 centimetra ishte 150 000 dollarë.

Ky rebel, i cili sipas gojëdhënave ka vrarë 21 persona – nga një për secilin vit të jetës së tij, është vrarë në korrik të vitit 1881 nga sherifi i New Mexicos në atë kohë.