Vlerat e muajit të Ramazanit

Vlerat e agjërimit janë të mëdha dhe të shumta, sa sikur t�i dinin njerëzit se çfarë mirësie dhuron Allahu i Madhëruar në këtë muaj do dëshironin që i gjithë viti të ishte Ramazan. Profeti Muhamed (a.s.) ka thënë: �Sikur ta dinin njerëzit çfarë begatish ka për ta në Ramazan do të dëshironin që i gjithë viti të ishte Ramazan.�

Pasi, agjërimi është mbrojtës nga zjarri i xhehenemit, thotë i Dërguari i Allahut (a.s.): �Kush agjëron një ditë në rrugë të Allahut, do ta largojë Allahu do ta largojë fytyrën e tij nga zjarri, shtatëdhjet vjet�.

Agjërimi është rrugë për hyrjen në xhenet, thotë i dërguari i Allahut (a.s): �Në xhenet është një derë që quhet Rejan dhe në të nuk do të hyjnë veçse agjëruesit�

Agjërimi është shkak për faljen e mëkateve, thotë Allahu i Madhëruar: ��s�ka dyshim se veprat e mira i shlyejnë ato të këqijat�. Gjithashtu i Dërguari i Allahut (a.s.) ka thënë: �Pesë namazet, xhumaja deri në xhumanë tjetër, Ramazani deri në Ramazan, fshihen (mëkatet e vogla) ndërmjet tyre duke përjashtuar mëkatet e mëdha�

Allahu I Madhëruar e ka zgjedhur këtë adhurim (agjërimin) për vete dhe kjo na vjen në fjalën e të Dërguarit të Allahut (a.s.) që përcjell: Allahu i Madhëruar thotë: �Çdo punë e birit të Ademit është për të, me përjashtim të agjërimit, ai është për Mua dhe unë shpërblej për të, (njeriu) i lë epshet e tij dhe ushqimin e tij për hatrin Tim!�. Pra, cila është ai Institucion që merret me edukimin e vullnetit, frenimin e dëshirave dhe forcimin e durimit sikundër vepron institucioni i agjërimit, të cilin Islami e hap atë të detyrueshëm në muajin e Ramazanit. Një psikolog gjerman, bazuar në hulumtimet e tij shkencore ka arritur në konkluzionin se mënyra më e mirë për ndalimin dhe frenimin e dëshirave është agjërimi, mirëpo Islami e ka sqaruar këtë fakt përpara psikologëve dhe mjekësisë.

Agjërimi do të ndërmjetësojë Ditën e Gjykimit për atë që agjëron dhe kjo shprehet qartë në fjalën e të Dërguarit të Allahut (a.s.) i cili thotë: �Për robin në Ditën e Kijametit, agjërimi do të thotë: �O Zot, ai është frenuar nga ushqimet dhe epshet e tij ditën, atëherë më lejo të jem ndërmjetësues për të�
Gjithashtu era e gojës së agjëruesit është më e mirë tek Allahu se sa era e miskut.