Polici babagjysh kërcimtar që zhbllokon trafikun (VIDEO)

Shpirti i festave të fundvitit ka zbritur në rrugët e Manilas, kryeqytetit të Filipineve, ku një polic rrugor vendos të zhbllokojë trafikun i veshur si Babagjysh dhe me lëvizjet klasike të Michael Jacksonit.

46-vjeçari Ramiro Hinojas vendosi të ngrejë kështu moralin e të gjithë atyre që për shkak të trafikut të rënduar edhe në prag festash nuk mund të arrijnë në kohë pranë familjeve të tyre.

Në Korenë e Jugut babagjyshët ia futën vrapit. Mbi 2 mijë vetë të veshur me kostumet tradicionale vrapuan në temperaturat -3 gradë celcius për të promovuar ushtrimin e sporteve për të pasur një fizik të shëndetshëm si dhe për të mbledhur donacione për familjet në nevojë.