Fëmijët që flenë pak, shëndoshen

Sipas një studimi të realizuar në Zelandën e Re, në të cilin u vëzhguan 244 fëmijë të moshës 3-7 vjeç, të publikuar në “British Medical” të “BBC”-së theksohet se fëmijët që nuk flenë mjaftueshëm natën janë më të predispozuar të shëndoshen, shkruan "DritaIslame.al".

Në studimin ku u regjistruan aktivitetet fizike dhe zakonet e gjumit të fëmijëve të grupmoshave 3, 4 dhe 5 vjeç dhe u bënë matjet e peshës, gjatësisë dhe yndyrave të trupit, u pa se fëmijët të cilët flenë pak pasqyrojnë një indeks të lartë të trupit pas moshës 7 vjeç.

Profesor Francesco Cappuccio dhe Michelle Miller nga Universiteti Warwick, nënvizojnë faktin se fëmijët dhe të rriturit duhet të preferojnë aktivitete dhe sjellje të cilat zgjasin kohën e gjumit pa marrë ilaçe duke theksuar se studimi ruan vlefshmërinë e tij edhe nëse gjendet një lidhje në mes gjumit, peshës dhe aktiviteteve seksuale me ato fizike.

“Sidoqë të jetë 20% e fëmijëve të kësaj moshe përjetojnë probleme gjumi. Ne e dimë se gjumi luan një rol të rëndësishëm mbi performancën e shkollës, sjelljeve, kujtesës dhe përqendrimit. Ky studim është i dobishëm në shtimin e informacionit që kemi rreth modeleve të gjumit të fëmijëve”, u shpreh doktor Ian Maconochie nga pavioni i pediatrisë në Royal College, duke pohuar se fëmijët nën moshën 5-vjeçare duhet të flenë të paktën 11 orë në ditë.