Fejohet Mirsa Kërçeli

Me t’u kthyer nga pushimi, Mirsa menjëherë ka nisur përgatitjet rreth fejesës. Ajo ka vendosur që më 20 gusht ta mbajë ceremoninë e fejesës me Granitin. Sipas saj, kjo ceremoni do të bëhet në praninë e shumë miqve dhe dashamirëve të saj në hotelin “Luxos” në Gjilan. Procedura e fejesës thotë se do të bëhet sipas traditave.

"Fejesa jonë do të bëhet edhe dy javë, do të kemi mysafir të shumtë rreth 300 veta, ku në mesin e tyre do të ketë edhe shumë kolegë të mi. Fejesa do të bëhet sipas traditave tona shqiptare, ku Graniti do t’i dërgojë mësitët te familja ime. Tani sapo u ktheva nga pushimi në Ulqin, dhe menjëherë kam nisur përgatitjen e pajës dhe dhuratave që do t’i dërgoj familjes së Granitit. Jam e gëzuar dhe me plot emocione”, ka thënë ajo për “Zëri”.

Krahas përgatitjeve për fejesë, Mirsa ka menduar që në muajin shtator të sjellë në treg edhe një videoklip të ri.