Rreziqet Shëndetësore të Ushqimit Vegjetarian

Kalimi në ushqim vegjetarian mund të paraqesë rreziqe të dukshme për shëndetin, veçanërisht për shkak të konsumimit të ulët të disa vitaminave dhe të mineraleve.
Kalciumi luan rol të rëndësishëm në ndërtimin e eshtrave. Vegjetarianët nuk pinë qumësht, për ç’arsye kalciumin duhen ta gjejnë në ushqime të tjera siç është qumështi i sojës. Po ashtu duhet ta konsumojnë kalciumin si shtesë në ushqim.

Një hulumtim ka treguar që vegjetarianët kanë thyerje më të shpeshta të eshtrave për dallim nga anëtarët e cilitdo grup tjetër ushqyes. Vitamina B12 është kyç për funksionimin normal të trurit dhe të sistemit nervor. Niveli i ulët i vitaminës B 12 mund të shkaktojë pasoja shëndetësore serioze. Vegjetarianët kanë rrezik më të lartë për ta zhvilluar aneminë dhe sëmundjet neurodegjenerative. Gjithsesi duhet që vitamina B12 të konsumohet përmes shtesave të ushqimit, sepse në ushqimet bimore nuk është në sasinë e mjaftueshme dhe në formën për të cilën ka nevojë organizmi.

Ekzistojnë shumë zëvendësime vegjetariane, duke përfshirë qumështin e sojës, produktet në bazë të niseshtesë, e cila është zëvendësim i shkëlqyeshëm për vezët dhe tofu si zëvendësim i shkëlqyeshëm për mishin. Kështu, në ushqimin tipik vegjetarian gjenden shumë pemë dhe perime si dhe ushqime të tjera që nuk kanë prejardhje shtazore, por çdo vakt e bëjnë jashtëzakonisht të shijshëm.