Bima e Murrizit....

nga **Dardania** Sun Apr 12, 2015 10:33 pm

Bima e murrizit është shkurre, që mund të shkojë nga 2 deri 6 metra e lartë me gjemba therëse, gjethe 3 deri 5 vriguj dhe buzë të dhëmbëzuara, pjesa e sipërme e tyre është në ngjyrë të blertë dhe me shkëlqim. Lulet e bimës janë me ngjyrë të bardhë me vastak të vegjël. Frutet e murrizit janë tërreme rreth 1 centimetër të gjatë. Murrizi gjendet kudo në vendin tonë, si në vendet e ulëta ashtu edhe në lartësitë mbi 1600 metra.

Commons: Maloideae – Album me fotografi dhe/apo video dhe material multimediale
Periudha e lulëzimit të murrizit fillon nga muaji maj deri në muajin qershor. Më pas nis formimi i frutit. Frutat përmbajnë 20 për qind farë dhe 80 për qind tul. Në gjendje të thatë ato përmbajnë deri 34,5 për qind sheqerna, nga të cilat 30 deri 40 për qind glikozë dhe fruktozë, si dhe acide organike, taninë, pektinë, yndyrë, acid citrik, saponinë. Kur frutet janë të freskëta përmbajnë vitaminat B dhe C. Me to mund të përgatitet raki. Farat e tyre përmbajnë amigdalinë. Lëvorja e frutit përmban lëndë rregjëse, si dhe krateginë, kuarcetinë dhe trimetilaminë. Gjethet e freskëta përmbajnë flavenol, trimetilaminë, ramnozid, vaj esencial. Ndërsa kur janë në të thata hahen nga kafshët. Në mjekësi gjethet e reja, të thara, pihen bashkë me duhanin ose zihen në formë çaji dhe përdoren për të pastruar gjakun dhe kundër arteriosklerozës. Lulet përmbajnë glukozidin, kuercitrinë dhe rreth 0,16 për qind vaj esencial. Gjatë kohës kur bima është në lulëzim frekuentohet shpesh nga bletët, të cilat thithin nektarin e lules për prodhimin e mjaltit.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31