Receta Gatimi

Speca te mbushur me Oriz

Përbërsit:
-12 speca,
-300 g oriz,
-120 g patate,
-1qepë,
-2 dcl yndyrë,
-5 g kripë dhe 5 g vegetë.
Përgatitja: Orizi i pastruar qitet të zihet. Në ndëkohë, patatet e pastruara dhe të grira në rende dhe qepët fërgohen. Pas pak kohe qitet edhe orizi i zier dhe i kulluar dhe mëlmesat tjera. Me këtë përzierjë mbushen specat dhe futen në furrë të nxehtë për tu pjekur. Para se të servohen priten përgjysmë

Musake me spinaq dhe oriz

Përbërsit:
-300 g mish i bluar,
-500 g spinaq,
-150 g oriz,
- 3 lugë margarin, pak majdanoz, kripë, specall, piper,
-2 qepë,
-2 vezë.
Përgatitja: Spinaqi pastrohet dhe grihet imët. Në një enë vihet margarini i shrirë dhe në të qitet spinaqi për tu fërguar pak. Ndaras duhet të fërgohet mirë qepa, të cilës i shtohet mishi, kripa, specalli, piperi dhe orizi. Përzihet spinaqi me mish dhe vendoset në tepsi të lyer me yndyrë dhe i qitet pak ujë. Mbi i qiten vezët dhe pak majdanoz. Pastaj piqet në furrë

PETULLA ME KOS

Përbërsit:
-600 g kos,
-450 g miell i bardhë,
-1 lugë kafeje sodë bikarboni, vaj sa nevojitet.

Përgatitja: Hidhet mielli nën një tas, bëhet një gropë në mes dhe qitet kosi. Pasi të jenë përzier mirë së bashku hidhet edhe soda. Kur vaji i vendosur në një enë të thellë djeget, hidhet lugë lugë brumi duke u kujdesur që petullat të skuqen mirë nga të dyja anët. Posa të hiqen nga zjarri përmillen më sheqer pluhur dhe servohen.

PATATE ME KOS

Përbërsit:
-1 kg patate,
- 1 dl vaj,
-proshutë,- hudhër, kripë, piper, kos.

Përgatitja:
Patatet qërohen dhe qiten në ujë të njelmët që të zihen. Pastaj lihen të ftohen dhe priten në rrathë. I qitet hudhra, kripa, piperi, vaji dhe në fund përzihen me kos. Serohen me mish

PATATE TE MBUSHURA

Përbërsit:
-8 patate
-mishin e bluar
-1 qepë
-1 veze, pak piper, kripë dhe përshutë.

8 patate qërohen dhe zihen, por jo krejtësisht. Priten patatet në gjysmë dhe u nxirret mesi i cili ndrydhet. Mishin e bluar e fërgojmë me një qepë, të cilit pastaj i shtohet mesi i patateve, pak piper, kripë dhe përshutë. Gjithë këtë e përziejmë mirë dhe ia shtojmë një ve. Me këtë material mbushen patatet dhe radhiten në tepsi. Patateve i shtohen mbi 3 dl kos, pastaj futen në furrë dhe piqen për 20 minuta.