Realiteti Sot...

Realiteti që ne sot e jetojmë është një karnaval i dhembshur maskash.
Që të jesh i suksesshëm, duhet të fshehësh ndjenjat dhe mendimet.
Që të jesh i respektuar, duhet të gënjesh sa më shumë. Duhet të shtiresh se je dikush tjetër, sepse tani e ke mësuar leksionin e hidhur të jetës; nëse do të arrish diçka në jetë, duhet të armatosesh me buzëqeshje të rrejshme dhe me intriga v...rastare.
Tërë kohën duhet të jesh i dobishëm, sepse nëse nuk u duhesh askujt as që do t'i bie ndërmend se ti je gjallë. Dhe nëse dikush të pyet që këtë përvojë ta përmbledhësh në një fjali të vetme, përgjigja vjen natyrshëm;
"Mësohu ta hedhësh vallen e djallit,
sepse përndryshe vërtet të mori djalli". Në çastin kur e thua këtë e mëson se proverbat, fjalët e mençura që i kërkojmë gjithandej, po lindkan nga përvojat e hidhura të të jetuarit. Kështu ka qenë gjithnjë, që nga fillimi i botës. Dhe do të vazhdojë deri në fund të saj, sepse njeriu mund ta zbusë gjithë egërsinë e natyrës, por është i pafuqishëm përballë egërsisë që gjendet brenda tij.
Të gjithë flasim për poshtërsinë ekëtij realiteti. Në këtë jemi të sinqertë, sepse të gjithë e ndiejmë
se sa i poshtër është ky realitet. Dhe më pas, kur fjalët duhet të kalojnë në vepra, atëherë po të
gjithë, në heshtje, pajtohemi me këtë poshtërsi. Nuk arrijmë të shkëputemi, thuajse kemi frikë se
ky realitet është gjithçka që mundtë kemi.
Nuk është i shpifur vetëm realiteti që e jetojmë! Sepse ky realitet është i krijuar nga ne...!