Shqiptaret kampion ne Maqedoni (futboll)

Pas tridhjetë e dy vitesh ekzistimi, pas shumë padrejtësive dhe peripecive të ndryshme, Klubi Futbollistik Shkëndija arriti të bëhet kampion në ligën e parë futbollistike të Maqedonisë, ndërsa ndeshja e fundit e zhvilluar pak para këtyre çasteve ka qenë moment një moment I veçantë në Historinë e qytetit të Tetovës.

Edhe pse ndeshja e sotme mes ekipit të Shkëndijës dhe Metalurgut ka përfunduar me rezultat 2-2 me golat e shënuar nga Feran Hasani dhe Nebi Mustafi që në pjesën e parë, kjo nuk ka prishur asgjë që tifozët e Shkëndijës “Ballistët” të krijojnë atmosferë të vërtetë që mund të shihet vetëm në stadiumet evropiane. Festimi i Shkëndijës ka bashkuar sot të gjithë, në një vend për një qëllim. Afër 15 mijë tifoz të veshur Kuq e Zi, kanë festuar dhe përkrahur ekipin e Shkëndijës jo vetëm gjatë gjithë kësaj ndeshje por gjatë gjithë kampionatit. Këngë, brohoritje, fishekzjarre dhe përkrahje deri në maximun për heronjtë e vërtetë në terenin e gjelbërt. Që nga fillimi I ndeshjes e deri në minutat e fundit të takimit tifozeria kuq e zi ka kënduar këngën Besa Besë ndërsa gjatë gjithë kohës janë lëshuar flamuj të ndryshëm me shkrime të nga më të ndryshmet. Pika e parë kulminante e festës së sotme ka qenë minuta e 79 e takimit kur për disa minuta rresht është ndërprerë takimi ndërsa në stadium është krijuar atmosfera e kampionëve të vërtetë të ligës së parë, ku janë hedhur më mijëra fleta të bardha dhe janë ndezur fishekzjarre përgjatë gjithë stadiumit. Pas përfundimit të takimit ka ardhur momenti i dytë kulminant kur për herë të parë Trofeu është në duart e futbollistëve të Shkëndijës. Koreografi impozante dhe atmosferë e paparë deri më tani në stadiumin e Tetovës. Së pari kryesia e pastaj edhe futbollistët thirren një nga një për të pranuar medaljet për Titullin e fituar. Është Kapiteni Nebi Mustafi ai i cili prano n kupën nga të deleguarit e Lidhjes Futbollistike të Maqedonisë dhe festa shpërthen. Shpërthen edhe stadiumi Kampione, Kampione …. Delirium I vërtetë në Stadiumin Historik të Tetovës. Shkëndija është kampion i Maqedonisë në Futboll, në sezonin 2010 /2011. Të gjithë janë në këmbë dhe momente emocionuese përfshinë tribinat e stadiumit të mbushur deri në karrigen e fundit. Festa e shpalljes së Shkëndijës kampion, vijon edhe më tej në qendër të Tetovës ndërsa pritet që gjatë gjithë natës të ketë festë në Sheshin Iliria në Tetovë.