Ende pa lindur në Facebook!

Facebook tani u ka mundësuar prindërve të ardhshëm të vendosin fotografitë e fëmijëve të tyre ende të palindur në profilet e tyre personale.
Ndër opsionet që përfshijnë vajzën, djalin, gruan dhe burrin, në kategorinë "Miqtë dhe Familja" tani ka mundësi të shtohet edhe opsioni "Fëmija në pritje”.

Prindërit mund të shtojnë një datë të mundshme të lindjes, në vend të emrit të foshnjes e cila ende nuk ka lindur.

"Ne jemi gjithmonë duke testuar veçori të reja," tha një zëdhënës i Facebook me e-mail.

"Para pak kohësh, Facebook ka filluar ofrimin e mundësisë për të shtuar një “fëmijë në pritje” në profilin personal, si një mënyrë e cila i lejon përdoruesit të shprehin identitetin e tyre" ka thënë zëdhënësi i rrjetit social.