Në Facebook, Linda Halimin e shpallin të vdekur!

Fansat në Facebook e Twitter të këngëtares kosovare, Linda Halimi, janë shokuar ditën e djeshme, kur në profilet e saja zyrtare shkruante në anglisht: “Linda Halimi ka vdekur sot në mëngjes. Unë jam vëllai i saj. Pushoftë në paqe!”.

Ka qenë vetëm një shaka e pakripë e dikujt që i ka thyer passwordin të të dyja llogarive dhe ka postuar këtë status. Linda ka thënë për portalin Indeksonline, se është shëndosh e mirë, dhe pasi ka provuar e ka parë që nuk mund të hyjë në llogaritë e saj në internet, sepse i kanë thyer passwordat. Gjithashtu ka thënë se e ka parë të ketë pasur shumë thirrje të njerëzve që janë brengosur për të.